U Minsk jedzie kiraŭnik MZS Čechii Švarcenberh
Prahrama vizitu rychtujecca.
Na 16‑17 krasavika zapłanavany vizit u Minsk Karła Švarcenbierha — kiraŭnika MZS Čechii, jakaja zaraz staršynstvuje ŭ ES.
Pra heta BiełaPAN paviedamili ŭ pres‑słužbie MZS Čechii. Prahrama vizitu rychtujecca.
U kastryčniku 2008 hodu MZS Čechii zajaviła pra žadańnie pašyryć kantakty z aficyjnym Minskam z ulikam hatoŭnaści biełaruskaha kiraŭnictva ruchacca pa šlachu demakratyi.
Pry kancy kastryčnika 2008 h. u Biełarusi znachodziŭsia namieśnik ministra zamiežnych spraŭ Čechii Tomaš Pojar. Jon sustreŭsia z pradstaŭnikami aficyjych struktur i liderami ADS.
Ministr zamiežnych spraŭ Čechii Kareł Švarcenbierh (poŭnaje imia - Karł Johanies Jozef Norbiert Frydrych Antonij Vracisłaŭ Miena fon Švarcenbierh) raniej zajaŭlaŭ,
što pytańnie zaprašeńnia Łukašenki na ŭstanoŭčy samit prahramy «Ŭschodniaje partniorstva» zastajecca adkrytym
i zaležyć ad taho, jak «siabie paviadzie» biełaruski lider i «jak budzie raźvivacca situacyja ŭ Biełarusi».
U pryvatnaści, adznačyŭ K.Švarcenbierh, pryznańnie niezaležnaści Abchazii i Paŭdniovaj Asiecii stvoryć «vialikija składanaści dla Biełarusi» ŭ stasunkach ź Jeŭrasajuzam.
Švarcenbierh sustrakaŭsia ź biełaruskim kaleham Siarhiejem Martynavym u ramkach dvuch sustreč u farmacie «trojki» ŭ kastryčniku 2008 h. (Luksiemburh) i ŭ sutdzieni 2009 hodu (Brusiel).