Premjer Armienii pra karanavirus: My pierastupili rysu, za jakoj — piekła
Z-za situacyi z pandemijaj karanavirusa Armienija pierastupiła rysu, pa toj bok jakoj — piekła. Ab hetym zajaviŭ premjer-ministr respubliki Nikoł Pašynian, piša Panarmemian.net.
Pavodle jaho słoŭ, Armienija prachodzić praź piekła. Rašeńnie premjer bačyć va ŭsieahulnym supraćepidemičnym ruchu, u ramkach jakoha kožny pastarajecca zrabić usio, što ad jaho zaležyć, kab nie zachvareć i nie zarazić nikoha.
Pašynian adznačyŭ, što va ŭradzie razhladaŭsia varyjant poŭnaha łakdaŭna, adnak pryjšli da vysnovy, što žadany vynik nie budzie dasiahnuty.
Dyrektar infiekcyjnaj kliničnaj balnicy «Nork» Mhier Davidzian zajaviŭ, što ŭ apošni čas praces zachvorvańnia ŭ krainie źmianiŭsia: kali raniej byli ŭ asnoŭnym lohkija vypadki i vypadki siaredniaj ciažkaści, to ciapier bolš ciažkich i krytyčnych vypadkaŭ.
Pavodle stanu na 6 červienia, u Armienii vyjaŭlena 12,364 vypadkaŭ karanavirusu, ź jakich aktyŭnych kiejsaŭ — 8385. Ačuniali 3720 pacyjentaŭ. Ad nastupstvaŭ virusa pamierła 190 čałaviek, jašče 69 — ad inšych zachvorvańniaŭ.
Sam Pašianyn niadaŭna taksama zaraziŭsia karanavirusam. Miarkujecca, što jaho zaraziŭ aficyjant, što padavaŭ ježu biez palčatak.