«Pad murami salanych składoŭ» i «Pra što raskazvaje viciebski haradzki hierb» — prezientacyja 9 krasavika
Sustreča‑prezientacyja brašuraŭ «Pad murami salanych składoŭ» i «Pra što raskazvaje viciebski haradzki hierb» s udziełam aŭtaraŭ I.Ciškina i M.Paŭłava adbudziecca 9 krasavika ŭ Viciebsku, pa adrasie: vuł. 1‑ia Sieńnienskaja, d. 5 (rajon «Łučosa») u «Jeŭrapiejskim kłubie». Pačatak a 18‑j hadzinie.
Teł. dla daviedak 27‑23‑39, mab.029‑1189238
Aŭtary – viadomyja ŭ Viciebsku hramadzka‑palityčnyja dziejačy, zasnavalniki kłuba «Uzhorje» i BNF «Adradžeńnie», jakija i praz 20 hod nie stracili cikavaści da haradzkoj historyi.
Ihar Ciškin, archieołah architektury, naradziŭsia ŭ Viciebsku ŭ 1961 hodzie. Skončyŭ histaryčny fakultet Minskaha piedahahičnaha instytuta. Pracavaŭ navukovym supracoŭnikam Viciebskaha abłasnoha krajaznaŭčaha muzieja, archieołaham navukova‑vytvorčaha pradpryjemstva «Viciebskprajektrestaŭracyja».
Pravodziŭ archieałahičnyja daśledvańni Uvaskrasienskaj carkvy, Uśpienskaha saboru, Salanych składoŭ i šerahu inšych pomnikaŭ architektury Viciebska, a taksama Kucieinskaha manastyra, Jezuickaha kalehiuma i Bazyljanskaha klaštara ŭ Oršy.
Aŭtar šmatlikich navukovych, navukova‑papularnych artykułaŭ.