Biełavus vypuściŭ sieryju masak i cišotak «Psicho3%» — i atrymaŭ sotni zamovaŭ
«My zapuścili sieryju apoŭdni 4 červienia i ŭžo atrymali bolš za 300 zamovaŭ, — raskazvaje hramadski dziejač i kiraŭnik kramy Symbal.by Pavieł Biełavus. — Spačatku abviaścili, što vypuskajem tolki maski i cišotki, ale pabačyli, nakolki hetaja hulnia słoŭ i ličbaŭ spadabałasia ludziam. Tamu vyrašyli dapoŭnić sieryju kiepkami, značkami i mahnitami».
U pieršuju čarhu, tłumačyć Pavieł, ludziej cikaviać maski, bo słova «psichoz» spačatku było skazana ŭ dačynieńni da situacyi ŭ krainie z karanavirusam, a paśla jano abjadnałasia ź internet-apytańniami pra rejtynh Łukašenki na vybarach.
Pavieł dadaje, što ŭ kramie rychtujucca jašče niekalki dyzajnaŭ na aktualnyja temy, bo stała zrazumieła, što ŭ ludziej jość patreba vykazvać svaju palityčnuju pazicyju praź vizualnaje afarmleńnie.
Fota Symbal.by