Premjer Novaj Ziełandyi nie spałochałasia ziemlatrusu i z uśmieškaj praciahnuła teleintervju VIDEA
Mnohija žychary Vielinhtana siońnia kinulisia chto kudy, kali ŭ paniadziełak stalica Novaj Ziełandyi zdryhanułasia ad padziemnaha šturška — tolki nie premjer-ministr Džasindy Ardern, jakaja praciahnuła davać teleintervju ŭ pramym efiry, piša Bi-bi-si.
Ziemlatrus siłaj u 5,8 bała z epicentram na hłybini 37 km i na adlehłaści 30 km na paŭnočny zachad ad horada Levin na Paŭnočnym vostravie Novaj Ziełandyi adbyłosia ranicaj u paniadziełak.
Jano praciahvałasia kala 30 siekund i nie vyklikała achviar i razbureńniaŭ, ale vyklikała ŭ Vielinhtanie paniku. Ludzi ŭ svaich kvaterach i ŭ ofisach pachavalisia pad stały.
Džasinda Ardern u hety momant davała teleintervju z budynka parłamienta, jakoje novaziełandcaŭ kličuć «Vulej».
Na videa bačna, što kamiera zachodziła tudy-siudy, a premjer pahladzieła na stol i skazała: «U nas ziemlatrus, Rajan».
«Dobry šturšok, kali vy bačycie, jak pradmiety ruchajucca zzadu mianie, — praciahnuła jana, źviartajučysia da hledačoŭ. «Vulej» trasiecca krychu bolš čym zvyčajna».
Na pytańnie, ci ŭ paradku jana i ci hatovaja praciahnuć hutarku, Ardern adkazała: «Dy nie, usio ŭžo skončyłasia. Z nami ŭsio dobra. Nada mnoj nie visić nijakich lustraŭ, tak što, mnie zdajecca, ja ŭ pravilnym miescy».
Daviedaŭšysia zatym pra siłu ziemlatrusu, jana prakamientavała: «Heta nie šalony šturšok».
Pa źviestkach novaziełandskaj słužby infarmacyi ab ziemlatrusach GeoNet, šturšok adčuli bolš za 36 800 čałaviek. Paśla było 40 šturškoŭ mienšaj siły: ad 1,7 da 4 bałaŭ.