Va Ukrainie nazvali datu zakančeńnia karancinu
UNIAN
Uličvajučy epidemijałahičnuju situacyju, ministr achovy zdaroŭja Maksim Ściapanaŭ prapanavaŭ uvieści z 22 maja tak zvany adaptyŭny karancin dla pastupovaha źniaćcia abmiežavańniaŭ.
Jon budzie doŭžycca da 22 červienia.
Uviadzieńnie i źniaćcie tych ci inšych mier dla baraćby z karanavirusam budzie zaležać ad epidemijałahičnaj situacyi ŭ kankretnym rehijonie.
Z 12 sakavika ŭrad Ukrainy ŭvioŭ ahulnanacyjanalny karancin z-za karanavirusa terminam na miesiac, paźniej jon byŭ padoŭžany da 22 maja. Z 6 krasavika ŭ krainie zrabili bolš žorstkimi abmiežavańni, u pryvatnaści było zabaroniena źbiracca na vulicy ŭ hrupy bolš za dva čałavieki, za vyklučeńniem vypadkaŭ supravadžeńnia dziaciej. Hramadzian abaviazali nasić maski i pry vychadzie z domu mieć pry sabie dakumienty, jakija paćviardžajuć asobu.
Abmiežavalnyja miery byli pasłablenyja z 11 maja. U krainie pačali pracu kramy niecharčovych tavaraŭ, letnija placoŭki restaranaŭ i kafe, źniali zabaronu na prahułki ŭ parkach.
Pa apošnich źviestkach, va Ukrainie karanavirusam zarazilisia 19 230 čałaviek, 564 pacyjenty pamierli.