Rasija pieraadoleła adznaku ŭ 300 tysiač vypadkaŭ zaražeńnia karanavirusam
Pa stanie na ranicu 20 maja ŭ Rasii zarehistravany 8764 novyja vypadki zachvorvańnia na karanavirusnuju infiekcyju, što na 499 vypadkaŭ mienš, čym sutki raniej. Ahulnaja kolkaść inficyravanych dasiahnuła 308 705 čałaviek, paviedamlaje apieratyŭny štab pa baraćbie ź virusam.
Bolš za ŭsio zachvarełych u Maskvie (2699 čałaviek za apošnija sutki) i Padmaskoŭi (903).
Uvohule ad COVID-19 u Rasii pamierli 2972 čałavieki (+ 135 pacyjentaŭ za minułyja sutki).