Ministerstva achovy zdaroŭja raskazała, na što pajšli hrošy z dabračynnaha rachunku
Na aficyjnym sajcie Ministerstva achovy zdaroŭja paviedamili ab vydatkoŭvańni srodkaŭ z dabračynnaha rachunku.
Rešta srodkaŭ na dabračynnych rachunkach na 4 maja: 1 172 699,94 rubla i 171 309,32 jeŭra.
Z dabračynnaha rachunku ŭ rublach z 25 sakavika pa 4 maja pieraličana UP «Biełmiedtechnika» — 4 226 829,92 rubla. Ź ich 2 304 000 rubloŭ pieraličanyja na zakupku 3 miljonaŭ miedycynskich masak.
Śpiecyjalistam ź Minska pieradali 500 tysiač masak, pa 300 tysiač — ź Minskaj i Viciebskaj abłaściej, Hrodzienskaj, Homielskaj, Mahiloŭskaj i Bresckaj — pa 200 tysiač, 300 tysiač miedycynskich masak pieradadzienyja ŭ 17 RNPC, astatnija znachodziacca ŭ reziervie. Na astatnija srodki kupili ekrany achoŭnyja stamatałahičnyja, reśpiratary dla filtravańnia, vyraby sanitarna-hihijeničnyja, paŭmaski filtravalnyja aerazolnyja i h. d.
Taksama z dabračynnaha rachunku pieraviali 364 336 rubloŭ RNPC epidemijałohii i mikrabijałohii na vytvorčaść i pastaŭku dyjahnastyčnych naboraŭ dla PCR-dyjahnostyki karanavirusnaj infiekcyi, 91 150 rubloŭ RNPC transfuzijałohii i miedycynskich bijatechnałohij na zakupku łabaratornaha abstalavańnia ŭ łabaratoryju dyjahnostyki infiekcyi COVID-19 i 350 000 rubloŭ na reaktyvy dla dyjahnostyki infiekcyi COVID-19 dla Nacyjanalnaj antydopinhavaj łabaratoryi.