U Kazachstanie vyrašyli nasić maski da kanca hoda
Ułady Kazachstana vyrašyli padoŭžyć masačny režym da kanca 2020 hoda. Pra heta paviedamiła hałoŭny sanitarny ŭrač respubliki Ajžan Jesmahambietava, pieradaje NUR.KZ.
Jesmahambietava zajaviła, što hramadzianam treba pryvyknuć da isnavańnia karanavirusa i navučycca žyć ź im. «My budziem žyć z karanavirusam zaŭsiody, jon stanie siezonnym zachvorvańniem», — papiaredziła śpiecyjalist. Tamu ŭ Kazachstanie da kanca 2020 hoda pradpryjemstvy i abjekty pavinny buduć pastajanna pravodzić dezynfiekcyju, vykonvać masačny režym i dystancyjavańnie navat paśla źniaćcia karancinu.
Razam z tym z paniadziełka ŭ krainie pačnuć pracavać cyrulni, abmieńniki i stamatałohii.
U Kazachstanie vyjaŭlena 3105 vypadkaŭ karanavirusa, pamierli 25 čałaviek.