Biełaruś kupiła pieršuju partyju saudaŭskaj nafty
metallurgprom.org
Biełaruś kupiła pieršuju partyju nafty ŭ Saudi Aramco, paviedamiŭ BIEŁTA pres-sakratar kancerna «Biełnaftachim» Alaksandr Ciščanka.
«Biełaruś zakupiła pieršuju partyju nafty abjomam 80 tys. ton u naftavaj kampanii Saudi Aramco, tankier čakajuć u Kłajpiedzie 11 maja», — skazaŭ jon.
U krasaviku Biełaruś atrymała kala 2 młn t nafty. Ź ich 1,56 młn t — heta rasijskija pastaŭki trubapravodnym i čyhunačnym transpartam. Astatni abjom — tankiernyja pastaŭki i ŭłasnaja zdabyča. Dla Mazyrskaha NPZ praz port Adesy była pastaŭlena partyja azierbajdžanskaj nafty, dla AAT «Naftan» — partyja narviežskaj nafty ź pieravałkaj u Kłajpiedskim porcie. Abodva tankiery — pa 85 tys. t.