Minzdaroŭja choča dazvolić ludziam ź lohkaj formaj karanavirusa lačycca doma
U Biełarusi špitalizacyju ludziej ź lohkaj formaj COVID-19 mohuć zamianić samaizalacyjaj. Pra heta siońnia ŭ efiry telekanała STV paviedamiła namieśnik ministra achovy zdaroŭja Alena Bohdan.
Adkazvajučy na pytańnie, ci moža kantakt pieršaha ŭzroŭniu zastacca doma, kali ŭ jaho vyjaŭleny karanavirus, Alena Bohdan skazała, što takija varyjanty prapracoŭvajucca.
«Dumaju, što ŭ najbližejšy čas my zrobim narmatyŭny dakumient Ministerstva achovy zdaroŭja, jaki dazvolić hramadzianam ź bieśsimptomnym ciačeńniem ci ź lohkaj formaj karanavirusnaj infiekcyi znachodzicca doma pry ŭmovie mahčymaści poŭnaj samaizalacyi», — skazała jana.
Varta adznačyć, što pacyjentaŭ ź lohkim COVID-19 nie špitalizujuć u Italii, Francyi, Brytanii, Ispanii dy inšych jeŭrapiejskich krainach, dzie kolkaść inficyravanych vysokaja. Adnak taki padychod pracuje tolki tam, dzie śviadomaść i adkaznaść ludziej vysokija.