Hiendyrektara «Ždanovičaŭ» raskułačyli
Raspracoŭvajecca hrafik, pa jakim jon viernie ŭsio ŭ «dosyć karotki čas», paviedamiŭ ministr Uładzimir Navumaŭ. «Va ŭmovach libieralizacyi ekanomiki praduhledžvajem i toje, što my ŭ niejkaj miery, kali było ŭčyniena nie ciažkaje ekanamičnaje złačynstva i jano nie źjaŭlajecca karupcyjnym, nie budziem zanadta ŭnikać u hetyja hrošy».
Hiendyrektar handlovaha doma «Ždanovičy» Jaŭhien Šyhałaŭ častkova pakryŭ dziaržavie naniesienuju škodu.
Raspracoŭvajecca hrafik, pa jakim jon viernie ŭsio ŭ «dosyć karotki čas», paviedamiŭ žurnalistam 27 sakavika ministr unutranych spraŭ Uładzimir Navumaŭ.
Ja.Šyhałaŭ pavinien pakryć dziaržavie ŭron u pamiery 85 młrd. rubloŭ. Asnoŭnym epizodam, što stavicca ŭ vinu biźniesmienu, źjaŭlajecca niametavaje vykarystańnie ziamiel i zachop ziamiel.
«Ziamla była zachoplena samavolna, ale ciapier tak skłałasia, što tam pracuje vialikaja kolkaść ludziej. Tamu my
ŭnosim prapanovu ŭzakonić hetyja ziemli,pakryć škodu», — skazaŭ U.Navumaŭ.
Adkazvajučy na pytańnie, ci adsočvaje MUS pachodžańnie hrošaj, jakija nakiroŭvajucca na pakryćcio škody, ministr zaznačyŭ: «Va ŭmovach libieralizacyi ekanomiki praduhledžvajem i toje, što my ŭ niejkaj miery, kali było ŭčyniena nie ciažkaje ekanamičnaje złačynstva i jano nie źjaŭlajecca karupcyjnym, nie budziem zanadta ŭnikać u hetyja hrošy».
Ja.Šyhałaŭ byŭ zatrymany ŭ Minsku 5 krasavika 2008 hoda. 15 krasavika jamu było pradjaŭlena abvinavačańnie va ŭčynieńni złačynstvaŭ, praduhledžanych č. 4 art. 16 KK (saŭdzieł u złačynstvie) i č. 3 art. 424 KK (złoŭžyvańnie ŭładaj abo słužbovymi paŭnamoctvami). 26 červienia jon byŭ vyzvaleny z‑pad varty pad załoh u 10 młrd. rubloŭ.
U lipieni Ja.Šyhałaŭ vyjazdžaŭ na lačeńnie ŭ Łondan. Apošnija niekalki tydniaŭ pierad vyzvaleńniem pad załoh jon znachodziŭsia pad kruhłasutačnaj vartaj u Respublikanskim navukova‑praktyčnym centry «Kardyjałohija», dzie prachodziŭ kurs lačeńnia. Jašče da aryštu Ja.Šyhałaŭ dvojčy pieranios infarkt mijakardu i byŭ praapieryravany.