«Tok» ź Liviantam: pra Karpienku, zarobki nastaŭnikaŭ i falsifikacyju vybaraŭ
«Ministerstva adukacyi ličyć repietytaraŭ vorahami, a mianie — voraham №1», — kaža Jaŭhien Liviant, samy viadomy repietytar krainy. Jon zasnavalnik adukacyjnaha centra «100 bałaŭ», vykładaje fiziku i matematyku.
Liviant voś užo šmat hadoŭ vykryvaje prablemy ŭ śfiery adukacyi i viadzie vostruju palemiku ź ministerstvam, žorstka krytykujučy pamyłkovyja, na jaho dumku, rašeńni i sprabujučy danieści ich škodnaść. Faktyčnaje źniščeńnie himnazij — akurat hety krok ministra Ihara Karpienki repietytar ličyć najbolš razburalnym dla biełaruskaj sistemy adukacyi.
Z Karpienkam i jaho kamandaj u Livianta skłalisia chiba najhoršyja adnosiny za ŭsie časy isnavańnia Ministerstva adukacyi. Jak raspaviadaje repietytar, jon sutyknuŭsia nie tolki z chvalaj nieabhruntavanych pravierak jaho adukacyjnaha centra, a jašče i napadkami ŭ internecie na jaho siamju i šantažom jaho supracoŭnikaŭ. Pra heta Jaŭhien Liviant raspaviadaje ŭ videaprajekcie «Tok» z Nastaśsiaj Roŭdaj.
U hutarcy repietytar zhadvaje bieźlič historyj z žyćcia: jak u 1990-ja vučni ŭ pryvatnych škołach sprabavali kuplać adznaki i padsoŭvali hrošy, jak u dziacinstvie školnaja technička zapuściła ŭ jaho tapkam i nazvała vyradkam (i za heta Jaŭhien joj udziačny), jak u časy, kali Liviant pracavaŭ nastaŭnikam u zvyčajnaj škole, dyrektarka vyłučyła jamu śpiecyjalny schavany kabiniet, kab padčas pravierak da jaho nie čaplalisia.
Druhaja častka razmovy pryśviečanaja nabalełym pytańniam biełaruskaj sistemy adukacyi: zarobkam i niaprofilnaj zahruzcy nastaŭnikaŭ, u tym liku pracy na vybarčych učastkach u škołach, uciečcy mazhoŭ, stereatypu ŭ hramadstvie «biez repietytara nie pastupiš».
00:43 — jak syšoŭ ź dziaržaŭnaj sistemy adukacyi,
09:30 — pra asnoŭnuju prablemu pryvatnych biełaruskich škoł 1990-ch,
10:41 — što było, kali pastaviŭ pieršuju dvojku ŭ pryvatnaj škole,
11:41 — jak školnik prapanoŭvaŭ hrošy,
13:35 — ci moh by viarnucca ŭ dziaržaŭnuju sistemu, i jakaja była b umova,
15:21 — kolki pavinien zarablać nastaŭnik,
16:07 — dzie ŭziać hrošy na padvyšeńnie zarobkaŭ nastaŭnikaŭ,
21:08 — čamu homielskuju nastaŭnicu, jakaja niecenzurna łajałasia i pahražała partaj vučniu, nielha było zvalniać,
24:59 — što było dazvolena i nie dazvolena vučniam Livianta na jaho ŭrokach,
26:32 — čamu ŭ jeŭrapiejskich i amierykanskich škołach vučni nie spaźniajucca i nie zryvajuć uroki,
30:14 — za što technička nazvała Livianta-školnika vyradkam, i čamu jon joj za heta ŭdziačny,
33:36 — čamu nastaŭniki dazvalajuć rabić ź siabie raboŭ,
38:29 — pra toje, što nastaŭniki falsifikujuć vybary,
41:46 — pra Ihara Karpienku, ministra adukacyi Biełarusi z 2016 hoda,
50:52 — cudoŭnaja historyja, jak staŭ pradprymalnikam hoda,
53:10 — jakija kroki, zroblenyja Karpienkam u adukacyi, razburajuć jaje,
55:33 — pra vyhadu repietytaraŭ ad hramadskaj dumki «biez repietytara nie pastupiš»,
59:35 — ci jość pačućcio viny, što repietytarski centr Livianta zabiraje najlepšych nastaŭnikaŭ sa škoł,
01:01:07 — pra ŭciečku mazhoŭ,
01:03:05 — Post Scriptum: čamu jašče nikoli žančyna nie była ministram adukacyi.