Biełaruskija miedyki zapuścili fłešmob «Zastańciesia doma dziela nas!»
«My zastajemsia na pracy, kab dapamahčy vam, — Vy zastańciesia doma, kab dapamahčy nam!» — biełaruskija miedyki: infiekcyjanisty, reanimatołahi, aniestezijołahi, terapieŭty, epidemijołahi, virusołahi, śpiecyjalisty łabaratornaha źviana, miedycynskija siostry — dałučylisia da suśvietnaha fłešmobu lekaraŭ #StayAtHome.
Biełaruskija miedyki vystupajuć z zaklikam da samaizalacyi pažyłych ludziej, ludziej z chraničnymi chvarobami, tych, u kaho jość choć by najmienšyja prykmiety VRI, a taksama tych, chto prybyŭ z-za miažy i atrymaŭ rekamiendacyju da samaizalacyi.
U hetyja dni lekary z roznych krain śvietu ŭhavorvajuć ludziej zastavacca doma, kab spynić raspaŭsiud COVID-19.