Načalnika klimavickaj trenierki vyklikali ŭ rajvykankam. A jaje, moža, pazbaviać premii
Ina Kardabniova z ahraharadka Cimanava pad Klimavičami zapisała abraźlivaje videa pra biełaruskuju movu. U im jana aburajecca, što jaje synu davodzicca vučyć u škole hety «nikomu niepatrebny pradmiet», a paśla dzieci z hłybinki pakutujuć ad «kałhasnaha akcentu».
Čytajcie. «Dzicia nie zapaminaje hetych debilnych słovaŭ». Piedahoh z-pad Klimavičaŭ zapisała aburalnaje VIDEA pra biełaruskuju movu
Videa nabrała 21 tysiaču prahladaŭ i bolš za 6 tysiač dyzłajkaŭ.
«Naša Niva» źviazałasia z Klimavickaj dziciača-junackaj spartyŭnaj škołaj, dzie Ina pracuje piedahoham.
Dyrektara ad ranku na miescy niama: vyklikali ŭ rajvykankam z nahody hetaha videa.
Namieśnica dyrektara Łarysa Rahoŭskaja kaža, što ź Inaj Kardabniovaj budzie abaviazkova praviedziena tłumačalnaja rabota.
«Ci pazbavim premii, jašče vyrašajem. Budzie trenierskaja rada, raźbiarom», — prakamientavała jana.
Zvalniać žančynu nie buduć. Jak patłumačyła administracyja škoły, piedahoh dapracoŭvaje da krasavika i paśla sychodzić u dekretny adpačynak.