U Biełarusi ŭžo 27 vypadkaŭ karanavirusa
RNK karanavirusa ŭ Biełarusi vyjaŭleny ŭ 27 čałaviek, pieršyja troje vypisanyja. Va ŭstanovach achovy zdaroŭja 24 čałavieki, taksama zastajucca va ŭstanovach achovy zdaroŭja «kantakty pieršaha ŭzroŭniu», paviedamiła Minzdaroŭja na bryfinhu ŭ Minsku.
7 zachvarełych dali pa 2-3 kantakty tych, chto zaraziŭsia.
Adzin z zachvarełych schavaŭ infarmacyju pra naviedvańnie Paŭnočnaj Italii i svoječasova nie vyklikaŭ chutkuju dapamohu. Jon praciahvaŭ sustrakacca ź siabrami i svajakami, chadziŭ na dni naradžeńnia i spartyŭnyja mierapryjemstvy, skazała pradstaŭnik Minzdaroŭja na bryfinhu 13 sakavika.
U vyniku pryjšłosia špitalizavać 91 čałavieka, jakija kantaktavali ź im, u tym liku jaho syna, jaki, nie viedajučy, što virus pieradaŭsia i jamu, chadziŭ na zaniatki va ŭniviersitet i pieradaŭ virus svaim adnahrupnikam [napeŭna, majecca na ŭvazie fakultet mižnarodnych adnosin BDU — NN].
Taksama ŭ Minzdaroŭi adznačyli, što dzieci i padletki lohka pieranosiać virus, a ŭ zonie ryzyki znachodziacca pažyłyja ludzi.
Aficyjny pradstaŭnik Suśvietnaj arhanizacyi achovy zdaroŭja skazaŭ, što čakajecca rost novych vypadkaŭ, heta niepaźbiežnaść pracesu.
U Biełarusi zafiksavana 7 ačahoŭ karanavirusa.