Prezident polskaha telebačańnia: Ja nie baču pryčynaŭ dla finansavańnia «Biełsatu»
«Kali ŭrad choča mieć hety kanał, to prosta dajcie jamu 100% patrebnych srodkaŭ», — zajaviŭ u čaćvier Farfał.
Piotr Farfał
Prezident TVP Polonia Piotr Farfał zajaviŭ, što nie razumieje, čamu telebačańnie pavinna finansavać «Biełsat», pieradaje gazeta.pl.
«Telebačańnie siońnia nie moža dazvolić sabie navat załatoŭku. Kali ŭrad choča mieć hety kanał, to prosta dajcie jamu 100% patrebnych srodkaŭ», — zajaviŭ u čaćvier Farfał.
Prezident TVP Polonia skazaŭ, što moža zhadzicca z prajektami, jakija robiacca dla palakaŭ zamiežža, ale nie razumieje, čamu palaki za svaje hrošy pavinny rabić TB dla Biełarusi.
Nahadajem, što na hetym tydni ad pasady kiraŭnički «Biełsatu» była adchilenaja Ahnieška Ramašeŭskaja. U znak salidarnaści ź joj z telekanału syšoŭ papularny viadučy Pavieł Mažejka.
Piotr Farfał naležyć da nacyjanalistyčna‑katalickaje partyi Liha polskich siemjaŭ, jakaja ŭ časie svajoj prysutnaści ŭ parłamiencie hałasavała suprać antyłukašenkaŭskich rezalucyj.
U adroźnieńnie ad Biełarusi, u Polščy ŭłada decentralizavanaja, i ŭmiašańnie adnoj haliny ŭłady ŭ śfieru kampietencyi druhoj niemahčymaje.