Łukašenku supravadžali dziesiatki ludziej, Adamkusa — adzin achoŭnik
«NN» pacikaviłasia ŭ pres-słužby Adamkusa, kolki asobaŭ supravadžali jaho na adpačynku.
«NN» pacikaviłasia ŭ pres-słužby Adamkusa, kolki asobaŭ supravadžali jaho na adpačynku.
Kolki asobaŭ supravadžaje Alaksandra Łukašenku ŭ jahonych pajezdkach na adpačynak, dakładna nieviadoma, bo niezaležnych žurnalistaŭ da jaho nie padpuskajuć. Ad načalnika aeraportu Niš stała viadoma, što ŭ tydniovuju pajezdku na sierbski kurort Kapaonik kiraŭnik Biełarusi i jahonaja śvita prylacieli dvuma samalotami: prezidenckim «Boinham» plus jašče «Embrajeram». Sierbskija haziety na voka aceńvali kolkaść supravadžeńnia ŭ 40—150 čałaviek. Pres-słužba Łukašenki i jon sam paśla nazvali hetyja ličby (ci to apošniuju ź ich) zavyšanymi, ale dakładnaj ličby nie pryviali.
Adnačasova z Łukašenkam svoj vodpusk adhulaŭ prezident Litvy Vałdas Adamkus. «NN» zapytałasia ŭ pres-słužby prezidenta Litvy, z kolkich asobaŭ składajecca jaho śvita ŭ časie adpačynku? Akazałasia, Vałdas Adamkus adpačyvaje raz na hod u Mieksicy ŭ kampanii ŭsiaho dvuch čałaviek — svajoj žonki i adnaho achoŭnika. Jon nie pravodzić aficyjnych sustreč i vydzialaje ŭvieś čas vyklučna na adpačynak.
Varta adznačyć, što pajezdka Łukašenki ŭ Sierbiju vyznačałasia jak «pracoŭnaja», metami jaje naminalna byli sustrečy ź biznesoŭcami Sierbii. Tamu, maŭlaŭ, i supravadžeńnie było apraŭdanym. Praŭda, ekanamičnyja suviazi Biełarusi ź Sierbijaj byli i jość mizernymi, tamu rezon tydniovaha pierabyvańnia tam vializnaje delehacyi ciažka zrazumieć.