Vystava mastaka Alesia Mary «Zaćmieńnie» adkryjecca siońnia ŭ Minsku
Adkryćcio mastackaj vystavy Alaksieja Maračkina (Alesia Mary) «Zaćmieńnie» adbudziecca ŭ sieradu 19 lutaha ŭ Minsku. Vystava arhanizavanaja pry dapamozie Pravaabarončaha centra «Viasna» i ekspanujecca ŭpieršyniu na aśvietnickaj placoŭcy «Terytoryja pravoŭ».
Novyja raboty mastaka pryśviečanyja hramadska-značnym padziejam apošnich hadoŭ i adlustroŭvajuć sacyjalna-palityčnuju situacyju ŭ Biełarusi praz ułasny pohlad tvorcy na kulturu i duch biełaruskaha naroda.
Mastak viadomy jak stvaralnik partretaŭ histaryčnych asob, sieryi partretaŭ «Maje sučaśniki», aŭtar cykłu tvoraŭ «Narodnyja lehiendy i padańni». Siarod viadomych rabot Maračkina — «Maci Božaja achviar Čarnobyla», «Paleskaja madonna», «Płošča».
Šmat rabot mastaka siońnia zachoŭvajecca ŭ Nacyjanalnym mastackim muziei Biełarusi, u muziejach i pryvatnych halerejach Biełarusi, Polščy, Hiermanii, ZŠA.
Padčas prezientacyi čakajecca vystup viadomych mastakoŭ, prahučać bardaŭskija pieśni.
Dzie i kali?
Aśvietnickaja placoŭka «Terytoryja pravoŭ», Minsk, vuł. Łožynskaja, 16, pamiaškańnie 404 (stancyja mietro «Uručča»).
19 lutaha, sierada. Pačatak u 18.00.
Uvachod volny.