Minčuki čaściej za ŭsio mianiajuć nacyjanalnaść ź biełaruskaj na polskuju
Minčuki čaściej za ŭsio mianiajuć svaju nacyjanalnaść ź biełaruskaj na polskuju. Pra heta padčas Dnia infarmavańnia ŭ kantakt-centry Minharvykankama raspaviała načalnica adździeła ZAHS administracyi Frunzienskaha rajona Natalla Radźkova, pieradaje «Minsk-Naviny».
U 2019 hodzie ŭnieśli krychu bolš za 500 źmienaŭ, vypraŭleńniaŭ i dapaŭnieńniaŭ u akty zapisu, tracina ź ich tyčyłasia źmieny nacyjanalnaści. Bolš za ŭsio padadziena zajaŭ ab źmienie nacyjanalnaści ź biełaruskaj na polskuju, taksama davoli časta — na jaŭrejskuju, ruskuju.
Zakanadaŭstva nie patrabuje tłumačeńniaŭ, ź jakoj pryčyny čałaviek idzie na taki krok. Hałoŭnaje — najaŭnaść dakumientaŭ, jakija paćviardžajuć, što ŭ rodzie pa maciarynskaj abo baćkoŭskaj linii chtości byŭ toj nacyjanalnaści, jakuju hramadzianin vybraŭ.