Litaratary za pryłaŭkam
U minskaj halerei «Padziemka» (pr. Niezaležnaści 43) adčyniłasia «Kniharnia Łohvinava», ale nie prosta jakaja: adzin dzień na tydzień, u čaćvier, z 6 da 7 viečara, knihu tut možna kupić z ruk litaratara.
Artur Klinaŭ za pracaj
Uładzimier Arłoŭ — piśmieńnik i pradaviec.
Andrej Chadanovič — paet pierakładčyk i pradaviec.
Maryjka Martysievič — litaratarka žurnalistka i pradaviec.
U minskaj halerei «Padziemka» (pr.Niezaležnaści 43) adčyniłasia «Kniharnia Łohvinava», ale nie prosta jakaja: adzin dzień na tydzień, u čaćvier, z 6 da 7 viečara, knihu tut možna kupić z ruk litaratara.
Piśmieńnik pavinny trymać dystancyju ad čytačoŭ – heta aksijoma. I peŭna tamu ŭ «Padziemcy» piśmieńnika ad spažyŭca knižnaj pradukcyi padzialaje pryłavak.
Učora pieršym pradaŭcoŭ byŭ litaratar i mastak, aŭtar ramanu «Padarožža pa horadu Soncu» Artur Klinaŭ. «Uva mnie, peŭna, zahinuŭ kramnik, bo tut ja pačuvajusia jak doma. Kali nie byŭ by litarataram, dyk abaviazkova handlavaŭ urazdrob», — kaža Klinaŭ paśla sychodu jašče adnaho aščaśliŭlenaha knihaj pakupnika. Litaratar hladzić na hadzińnik. «Usio, źmiena skončyłasia, ale peŭna jašče trochi papracuju — spadabałasia».
19 sakavika za pryłaŭkam kniharni budzie stajać aŭtar «Krainy Biełaruś» i zbornika apaviadańniaŭ «Orden Biełaj Myšy» Uładzimir Arłoŭ. Čytačy! U vas źjaviłasia cudoŭnaja nahoda pamučyć ulubionaha piśmieńnika: «Spadar Arłoŭ, pakažycie, kali łaska, vuń toj raman z samaj vierchniaj palicy... Nie , nie padabajecca... A ciapier vuń toj zbornik z dalokaha kuta...» I chaj tolki pasprabuje admović.