Pry razvodzie buduć u abaviazkovym paradku prapanoŭvać prymirycca z dapamohaj miedyjatara
Muža i žonku pry razvodzie ŭ sudzie abo zahsie pavinny buduć u abaviazkovym paradku infarmavać pra mahčymaść prymirycca z dapamohaj miedyjatara. Heta zamacavana ŭ novym Zakonie №277-3, jaki pavinien ustupić u siłu z 1 lipienia. Pra heta ministr justycyi Aleh Śližeŭski raskazaŭ žurnalistam, adkazvajučy na pytańnie karespandenta BiełTA.
U zakanadaŭstvie zamacoŭvajecca novaje paniaćcie — infarmacyjnaja sustreča ź miedyjataram. Na dumku Aleha Śližeŭskaha, alternatyŭny mietad vyrašeńnia kanfliktaŭ — heta adzin ź pierśpiektyŭnych napramkaŭ pravavoj palityki krainy.
U chodzie takich znosin u pary budzie mahčymaść jašče raz pašukać varyjanty kampramisaŭ, dasiahnieńnia zhody. Pry hetym pryncyp dobraachvotnaści zachoŭvajecca: kožny vyrašaje sam, ci sprabavać jamu źviartacca da miedyjatara.