U Minski zaapark pryviazuć niaviestu dla Bruta
Dla nasielnika Minskaha zaaparka — čarotavaha kata pa mianušcy Brut — uviesnu pryviazuć z Baku niaviestu, paviedamiła Minsk-navinam małodšy navukovy supracoŭnik ustanovy Alena Badrova.
— Brut, jak i jaho budučaja siabroŭka, źjaviŭsia na śviet u 2019-m. Prybyŭ da nas z Novasibirska napiaredadni Novaha hoda. Takoha vidu žyvioł u nas nie było šmat hadoŭ, — adznačyła A. Badrova.
Brut padobny na zvyčajnaha kata, ale bolšy pamierami, poŭść šeraha koleru. Kormiać jaho dva razy na dzień - čarhujuć jałavičynu, trusiacinu i kurycu. A jašče radujuć pierapiołčynymi jajkami ź ciopłym małakom. Žyvie Brut u prastornym, kamfortnym valjery.
Supracoŭniki papiaredžvajuć: hładzić Bruta zabaroniena — heta drapiežnik!