Łamali meblu, bili lustry, vykidali rečy z akna. U Lidzie moładź tak śviatkavała Novy hod, što razhramiła kvateru siabroŭki
Skrynšot videa.
U Lidzie kampanija maładych ludziej adznačała Novy hod u kvatery, raźmieščanaj na 7-m paviersie. Kvatera naležyć baćkam dziaŭčyny, jakaja biez dazvołu darosłych vyrašyła paklikać da siabie siabroŭ, piša abłasnaja milicyja
U niejki momant viečarynka vyjšła z-pad kantrolu. Pad uździejańniem ałkaholu padletki stali łamać meblu, bić lustry, vykidać rečy z akna. Na ščaście, na vulicy nichto nie paciarpieŭ.
Haspadary kvatery źviarnulisia ŭ milicyju. Jany acanili pryčynienuju škodu ŭ dźvie tysiačy rubloŭ.