«Prosta nie damovilisia». Stała viadoma, čamu TNT zamianili na «Kvartał»
MTIS (Minskija televizijnyja infarmacyjnyja sietki) pierastali tranślavać rasijski telekanał TNT International. Namieśnik dyrektara MTIS Jaŭhien Nikankin patłumačyŭ tut.by, čamu heta adbyłosia.
- Damova skončyłasia, heta praŭda. Ź lubym kanałam damova skančajecca praktyčna kožny hod. Jana pavinna praciahvacca ci nie praciahvacca.
- A chto byŭ inicyjataram niepraciahu damovy: MTIS abo TNT?
- Nie było inicyjatyvy niepraciahu. My prosta nie damovilisia z kanałam na nastupny pieryjad, i ŭsio.
- Jość šaniec, što TNT vierniecca?
- Nie lublu davać abiacańni. Pa-pieršaje, šancy jość va ŭsich. Pa-druhoje, pytańnie nie ŭ kantencie. Tut - dvuchbakovyja adnosiny.
Skažu tak: vierahodnaść, što TNT u hetym hodzie vierniecca - vielmi vysokaja. Moža być, heta adbudziecca navat praź miesiac. Zrazumieła, što jon nijak nie vierniecca praz dva-try dni. Jość pracedury, jakija niemahčyma ažyćciavić u luby momant.
- Na častacie 402 Mhc, jakuju raniej zajmaŭ TNT International, z 1 studzienia źjaviŭsia telekanał KVARTAL TV. TNT daviadziecca šukać inšuju častatu?
- KVARTAL TV zastaniecca ŭ sietcy MTIS u lubym vypadku. Zvarotnaj zamieny nie adbudziecca. Ale ŭ pieršuju čarhu nieabchodna dasiahnuć damoŭlenaści z TNT, a ŭžo zatym vyznačycca z varyjantami zamieny.
Apieratyŭny kamientar Siarhieja Bułackaha, dyrektara pryvatnaj firmy TAA «Trya Miedyja», jakaja źjaŭlajecca biełaruskim pravaŭładalnikam kanała TNT International, TUT.BY atrymać nie zmoh.