U Polščy ptušyny hryp zabiŭ 25 tysiač indykoŭ la miažy ź Biełaruśsiu
Polskija ŭłady śćviardžajuć, što ptušyny hryp źjaŭlajecca pryčynaj hibieli sama mieniej 25 000 indykoŭ na ptuškafabrykach la miažy krainy ź Biełaruśsiu, paviedamlaje AP.
Polskija vieterynarnyja orhany ŭ čaćvier płanavali zabić dziasiatki tysiač ptušak u rajonie Lubartava, hałoŭnaha rehijonu ptuškahadoŭli krainy.
Hałoŭny vieterynar Lublinskaha vajavodstva Pavieł Pijatroŭski paćvierdziŭ, što śmiarotny virus H5N8 byŭ pryčynaj śmierci indykoŭ na dvuch fiermach u vioscy Stary Uścimaŭ, što znachodzicca za 45 kiłamietraŭ ad miažy.
Niezrazumieła, jak virus ptušynaha hrypu trapiŭ na fiermy.