Namieśnikam hienprakurora pryznačany były načalnik śledčaha ŭpraŭleńnia KDB
prokuratura.gov.by
Zahadam hienieralnaha prakurora ad 30 śniežnia na pasadu namieśnika hienieralnaha prakurora pryznačany staršy daradca justycyi Dźmitryj Hara.
Pradstaŭlajučy svajho namieśnika kalektyvu Hienieralnaj prakuratury, kiraŭnik viedamstva Alaksandr Kaniuk padkreśliŭ: «Adziny zapis u pracoŭnaj knižcy — śviedčańnie addanaści svajoj spravie, vysokaha prafiesijanalizmu. Mienavita takija kadry ŭmacoŭvajuć našy šerahi».
Dźmitryj Hara naradziŭsia ŭ 1970 hodzie ŭ Tbilisi. U 1993 hodzie skončyŭ Vajenny Čyrvanaściažny instytut (Maskva) pa śpiecyjalnaści «pravaznaŭstva», u 2018 — Akademiju kiravańnia pry prezidencie Respubliki Biełaruś pa śpiecyjalnaści «Dziaržaŭnaje kiravańnie i ekanomika».
Ź vieraśnia 1993 hoda — śledčy, staršy śledčy, staršy śledčy pa asabliva važnych spravach, načalnik śledčaha adździeła ŭpraŭleńnia KDB Respubliki Biełaruś pa Bresckaj vobłaści.
Ź listapada 2009 hoda da pryznačeńnia na hetu pasadu — načalnik śledčaha ŭpraŭleńnia KDB.