Arciomu Dubskamu aficyjna pradjaŭlena abvinavačańnie
U parušeńni artykułu 415 Kryminalnaha kodeksa (da troch hadoŭ pazbaŭleńnia voli). Miera strymańnia raniejšaja – utrymańnie pad vartaj.
Aktyvistu zarehistravanaj u Čechii hramadskaj arhanizacyi "Małady Front" Arciomu Dubskamu aficyjna pradjaŭlena abvinavačańnieŭ parušeńni artykułu 415 Kryminalnaha kodeksa (uchileńnie ad adbyćcia pakarańnia ŭ vyhladzie abmiežavańnia voli).
Miera strymańnia ŭ dačynieńni A. Dubskaha pakinuta raniejšaj – utrymańnie pad vartaj. U najbližejšy čas jaho pavinny pieravieści sa śledčaha izalatara ŭ Asipovičach, u śledčy izalatar u Babrujsku.
Nahadajem, 3 sakavika Asipovicki haradski sud spyniŭ kryminalnuju spravu ŭ dačynieńni da A. Dubskaha pa abvinavačańni jaho ŭ pryčynieńni majomasnaj škody z pryčyny prymireńnia bakoŭ. Adrazu pa skančeńni sudovaha pracesu Dubskaha dastavili ŭ Asipovicki RUUS dla afarmleńnia dakumientaŭ pa druhoj spravie.
Arciom Dubski – adzin ź fihurantaŭ «spravy 14-ci». Jon byŭ asudžany na dva hady abmiežavańnia voli za ŭdzieł u akcyi pradprymalnikaŭ u studzieni 2008 hodu. U tym ža hodzie ŭ dačynieńni da A. Dubskaha była zaviedziena jašče adna sprava pavolle art. 415.
Pakarańnie pa joj – ad paŭhodu da troch hadoŭ pazbaŭleńnia voli.
Małady čałaviek byŭ źniaty ź ciahnika 13 lutaha ŭ Homieli. Apošnija niekalki miesiacaŭ Dubski žyŭ va Ukrainie. U kastryčniku 2008 h. jon paprasiŭ tam palityčnaha prytułku, ale potym adklikaŭ zajavu.