Mer Chiersona stroha adkazaŭ na słovy Pucina pra «spradviečna ruskija ziemli»
Mer Chiersona Uładzimir Mikałajenka i deputaty haradskoj rady adkazali prezidentu Rasii Uładzimiru Pucinu na słovy pra toje, što poŭdzień Ukrainy i ŭ pryvatnaści Pryčarnamorje — heta spradviečna ruskija terytoryi. Adpaviednaja zajava apublikavana na aficyjnym sajcie horada.
Mikałajenka zajaviŭ, što Kijeŭ dva dziesiacihodździ zapluščvaŭ vočy na toje, što rasijanie nazyvali Krym svajoj terytoryjaj. «Jany ŭvasablajuć svaje mary ŭ realnaść. I im usio roŭna, što hetyja mary abaročvajucca kašmaram dla ŭsich astatnich», — dadaŭ jon.
Pa słovach kiraŭnika horada, spradviečna ruskija ziemli — heta bałota pad Maskvoj. «Usio astatniaje — heta terytoryi, jakimi zavałodali pry dapamozie kavarstva i žorstkaści», — udakładniŭ Mikałajenka.
Jon taksama adznačyŭ, što rasijskija ŭłady zdoleli pabudavać vialikuju pa pamierach impieryju, jakaja staić na kaściach.