U Rasii ministra sportu ŭznaharodzili ordenam. Krainu raniej adchilili ad Alimpijadaŭ
kremlin.ru
Pres-sakratar prezidenta Rasii Dźmitryj Piaskoŭ paćvierdziŭ, što ministr sportu Pavieł Kałabkoŭ byŭ uznaharodžany ordenam, piša gazeta.ru
«Sapraŭdy jon byŭ uznaharodžany, ja mahu paćvierdzić. Heta źviazana z čempijanatam śvietu pa futbole», - skazaŭ Piaskoŭ.
Pradstaŭnik Kramla udakładniŭ, što Kałabkoŭ byŭ uznaharodžany da rašeńnia WADA ab adchileńni Rasii ad mižnarodnych spabornictvaŭ.
«Dakładnuju datu ja nie mahu vam skazać, ale heta było ŭžo niejki čas tamu i sapraŭdy heta źviazana z tym, što była adznačana vielmi dobraja praca ministerstva sportu, jakaja pryviała da taho, što Rasija praviała najlepšy ŭ historyi čempijanat śvietu pa futbole», - adznačyŭ Piaskoŭ.
9 śniežnia vykankam WADA adchiliŭ Rasiju ad udziełu ŭ mižnarodnych turnirach, uklučajučy Alimpijady i čempijanaty śvietu. Akramia taho, kraina nie zmoža pravodzić takija spabornictvy. Dyskvalifikacyja budzie doŭžycca čatyry hady.
Pryčyna adchileńnia pa pryčynie machinacyj z bazaj źviestak dopinh-probaŭ Maskoŭskaj łabaratoryi.
Kałabkoŭ zajmaje pasadu ministra sportu Rasii z kastryčnika 2016 hoda.