U Francyi Bloomberg aštrafavali na hihanckuju sumu za fejkavuju navinu
Francuzski rehulatar finansavych rynkaŭ aštrafavaŭ amierykanskaje ahienctva navinaŭ Bloomberg na piać miljonaŭ jeŭra za raspaŭsiud fejkavych navin, piša francuzskaje radyjo.
U 2016 hodzie Bloomberg apublikavaŭ infarmacyju z padroblenaha pres-relizu francuzskaj budaŭničaj kampanii Vinci. Heta pryviało da padzieńnia jaje akcyj na 18%.
U ahienctvie zajavili, što ŭ listapadzie 2016 hoda ašukancy razasłali pres-reliz, u jakim havaryłasia, što kampanija Vinci zvolniła svajho finansavaha dyrektara Kryścijana Łabiejry i pierahladaje svaje finansavyja pakazčyki paśla vyjaŭleńnia pamyłak u spravazdačnaści.
Reliz razasłali z padstaŭnoj elektronnaj pošty, jakaja była vielmi padobnaja na realnuju poštu kampanii. Ale ŭžo praz paŭhadziny paśla vychadu naviny ašukancy dasłali abviaržeńnie. U toj ža čas kampanija Vinci taksama vydała aficyjnaje abviaržeńnie.
U Bloomberg zajavili, što płanujuć abskardzić rašeńnie suda.