U Minsku vyjšaŭ zbornik Eli Savikoŭskaha «Zichacieńnie» na idyš
U Minsku vydany paetyčny zbornik Eli Savikoŭskaha «Zichacieńnie» na movie idyš.
U knihu ŭvajšli vieršy roznych hadoŭ dla dziaciej i darosłych, pierakład na idyš bałady Alaksandra Puškina «Tapielec», bijahrafija E.Salikoŭskaha i ŭspaminy pra jaho biełaruskaha jaŭrejskaha piśmieńnika Hirša Relesa, a taksama aryhinalnyja ilustracyi minskaj mastački Aleny Achramovič (Saroki).
U intervju BiełaPAN vydaviec knihi Volf Rubinčyk paviedamiŭ, što pieršaje vydańnie zbornika vyjšła prykancy 2008 hoda, a papraŭlenaje druhoje — u lutym 2009 hoda. Jak zaznačyŭ vydaviec, dla jaho była «davoli niečakanaj vialikaja cikavaść» da knižki E.Savikoŭskaha. Na dumku V.Rubinčyka, na rost cikavaści da paezii na idyš paŭpłyvaŭ vychad u minułym hodzie vialikaha idyš‑biełaruskaha słoŭnika, składzienaha Alesiem Astravucham. «Vydańniu zbornika dapamahli pryvatnyja asoby, pierš za ŭsio ŭnučka paeta Safija Savikoŭskaja, jakaja žyvie ŭ Minsku», — skazaŭ vydaviec.
Ela Savikoŭski (1893—1959) — paet, dramaturh, kampazitar, pierakładčyk. Naradziŭsia ŭ miastečku Pałonka (ciapier vioska Baranavickaha rajona Bresckaj vobłaści), pamior u Minsku. Pracavaŭ nastaŭnikam, žurnalistam, buchhałtaram. U 1920‑ch hadach karotki čas byŭ členam Usiesajuznaj asacyjacyi praletarskich piśmieńnikaŭ. Pisaŭ vieršy na idyš i iŭrycie.