U Polščy zatrymali taksista-biełarusa, jaki vioz traich nielehałaŭ-vjetnamcaŭ u Niamieččynu
Polskija pamiežniki spynili 24 kastryčnika na polska-niamieckaj miažy ŭ vioscy Śviecka lehkavy aŭtamabil, za rulom jakoha byŭ 32-hadovy biełarus. U jaho asabistym aŭto jechali žychary Vjetnama — dźvie dziaŭčyny 22 i 27 hadoŭ i ich 18-hadovy svajak. Vyśvietliłasia, što jany chacieli niezakonna trapić u Niamieččynu, paviedamlaje niezalezna.pl.
Biełarus raskazaŭ pamiežnikam, što pieršy dzień pracuje ŭ firmie Uber u Varšavie, a ŭ sałonie jeduć pasažyry, jakija paprasili advieźci ich u Bierlin.
Pamiežniki vyśvietlili, što vjetnamcy abaviazany byli pakinuć Polšču i im było zabaroniena znachodzicca ŭ hetaj krainie, a taksama ŭ inšych krainach Šenhiena.
Hramadzianie Vjetnama i biełarus znachodzicca ŭ izalatary dla zamiežnikaŭ.