Kiraŭnik «Biełavija»: Pasažyraŭ stolki niama, kab łaŭkost zapuskać
Kab u Biełarusi źjavilisia łaŭkosty, patrebnyja ŭmovy. Takoje mierkavańnie vykazaŭ na pres-kanfierencyi 31 kastryčnika kiraŭnik «Biełavija» Anatol Husaraŭ, pieradaje «Minsk-Naviny».
— Paraŭnoŭvajučy z tym ža Wizz Air abo Ryanair, nie varta zabyvać, dzie zarehistravanyja hetyja kampanii, — zajaviŭ Husaraŭ. — U toj ža Irłandyi (u źviazcy z Ryanair) bolš łajalnaje padatkaabkładańnie, u Jeŭropie ahułam — inšyja, čym u Biełarusi i Rasii, pracentnyja staŭki pa kredytach. I samaje hałoŭnaje — najaŭnaść vialikaha pasažyrapatoku. U nas nie tak šmat napramkaŭ, pa jakich jon moža skłaścisia. Tolki siehmienty. Naprykład, letam u Turcyju. Masavych i pastajannych znosin u nas niama ni z adnoj krainaj. Vyklučeńnie tolki maskoŭski kirunak.
A voś u Maskvu łaŭkost-maršrut jość — u aeraport Žukoŭski.
Dyrektar Departamienta pa avijacyi Mintransa Arciom Sikorski adznačyŭ, što pytańnie prychodu łaŭkost-kampanij prapracoŭvajecca:
— Najbolš pravilnym rašeńniem viedamstva ličyć varyjant zapuskać łaŭkost siłami «Biełavija». Navošta davać hrošy kamuści, kali možna subsidavać svajho avijapieravozčyka i stvaryć ekanamičnyja realii, pry jakich svaje mohuć prapanavać łaŭkost-taryfy na tyja ci inšyja kirunki.