Kulturny bum u Breście: adkryłasia novaja art-prastora «Kansierva»
Načny Brest.
U Breście źjaviłasia novaja art-prastora: ź vializnym padvałam, niezvyčajnym interjeram i vialikim dvarom. Jana nazyvajecca «Kansierva», bo raźmiaściłasia na terytoryi byłoha kansiervavaha zavoda na vulicy Kujbyšava.
U hetyja dni ŭ joj prachodzić vystava sučasnaj biełaruskaj fatahrafii.
Vystavačnaja zała płoščaj 470 mietraŭ u padvale byłoj fabryki.
Jak paviedamlaje haradski sajt binkl.by, inicyjatar stvareńnia «Kansiervy» — Kaciaryna Paŭłovič. «My chočam udychnuć žyćcio ŭ hetaje miesca, pahladzieć, jak jano pracuje», — skazała jana ŭ intervju sajtu. Mastactva, stryt-fud, mody, urbanizm — jaje stvaralniki abiacajuć cikavicca ŭsim.
Za apošnija hady ŭ Breście adkryłasia prastora centra «Dziedzič», dziejničaje kulturnaja majsternia «Hruntoŭnia», u jakoj prachodzili zaniatki kłuba «Movananova». Isnuje teatr «Kryły Chałopa». Brest uražvaje nie tolki intensiŭnym kłubnym i fiłarmaničnym žyćciom i šmatlikimi kaviarniami ŭ centry, ale i hetym kulturnym bumam.