Hienierału-pahraničniku, jaki pajšoŭ u Drahičynie suprać kandydatki ad viertykali, admovili ŭ rehistracyi
Były kiraŭnik Instytuta pamiežnaj słužby Vasil Hiedźko vyłučyŭ svaju kandydaturu na parłamienckija vybary pa Dniaproŭska-Buhskaj akruzie №10. Adnak pikantnaść situacyi ŭ tym, što Hiedźko nie ŭzhadniŭ svoj pachod u deputaty ni z kim.
Ad viertykali pa akruzie idzie staršynia drahičynskaha savieta deputataŭ Śviatłana Bartaš. Chutčej za ŭsio, mienavita jana i stanie deputatkaj.
Kali pra inicyjatyvu Hiedźko stała viadoma, to na jaho paliŭsia brud na admysłovych rehijanalnych sajtach, jakija zvyčajna ačarniajuć apazicyju. Pisali, što hienierał-major stavicca da ludziej, jak da hnoju, a sam łasy na žančyn.
Hiedźko praz takija publikacyi ŭsio ž nie admoviŭsia ad inicyjatyvy bałatavańnia. Zdaŭ tysiaču ź lišnim podpisaŭ. Ale akružnaja vybarčaja kamisija ŭsio ž admoviła jamu ŭ rehistracyi. Sam Hiedźko admaŭlajecca ad kamientaroŭ z hetaj nahodaj.