Stała viadoma, kudy syšoŭ Makar Šnip z pasady dyrektara Liceja BDU
Makar Šnip. Fota: https://lyceum.by.
Były dyrektar liceja BDU Makar Šnip raskazaŭ «Narodnaj Voli» pra novaje miesca pracy i pryčyny svajho sychodu z prestyžnaha liceja krainy, u jakim jon pracavaŭ amal 16 hadoŭ, i piać apošnich — kiraŭnikom navučalnaj ustanovy.
Makar Šnip kaža, što vyrašyŭ pasprabavać siabie ŭ novaj jakaści, tamu i zvolniŭsia. Niadaŭna jon pracaŭładkavaŭsia ŭ Inavacyjnuju kampaniju Promwad — niezaležny dyzajn-centr elektroniki.
«Tak, ja historyk, ale ž i ŭ adukacyi šmat hadoŭ. Budu ŭ Promwad zajmacca arhanizacyjaj unutranaha adukacyjnaha pracesu dla supracoŭnikaŭ. Mnie pryjemna, što kampanija źviarnułasia da mianie z takoj prapanovaj, što mnoj zacikavilisia. Heta svojesablivy vyklik dla mianie jak dla humanitaryja. Ja baču, što Promwad nie padobnaja na ŭsie inšyja našy kampanii, skancentravanyja ŭ Parku vysokich technałohij, jakija zajmajucca prahramnym zabieśpiačeńniem, kančatkovym praduktam. Maja praca budzie źviazana nie z «žalezam», jana tyčycca raźvićcia supracoŭnikaŭ, prachodžańnia imi kursaŭ, treninhaŭ», — skazaŭ Šnip.
Były dyrektar Liceja kaža, što jon adčuŭ patrebu niešta źmianić u sabie.
«Nie było ŭ maim zvalnieńni nijakich momantaŭ, źviazanych z tym, što maja kandydatura kahości nie zadavalniała. Heta było tolki majo rašeńnie, praha spaznać novy dośvied! Ličycie, što heta takaja pryhoda, avantura…» — kaža Špip.