Daškievič: AES treba budavać
Kolki b my ni raspracoŭvali alternatyŭnyja vidy elektryčnaści, my imi nie pakryjem usich patrebaŭ Biełarusi.
Lider Maładoha Frontu pra pabudovu Biełaruskaje atamnaje elektrastancyi.
Ja ŭžo ahučvaŭ svaju pazycyju adnosna budaŭnictva AES i jana vyklikała davoli šumnuju reakcyju. Paŭtaru jašče raz,
ja źjaŭlajusia prychilnikam budaŭnictva atamnaj elektrastancyi na Biełarusi, bo heta adpaviadaje stratehičnym intaresam našaj krainy.
Mnohija demakraty, na žal, zajmajucca papulizmam admaŭlajučy ŭsio toje, što prapanoŭvaje Łukašenka. Chacia, kaniešnie, jość i idejnyja, što nazyvajecca, praciŭniki pabudovy AES. Adnak bolšaść zajmajucca prosta krytykanstvam.
Kali Łukašenka nie pradavaŭ zavodaŭ, jany kryčali: «Dyktatar, davaj pradavać, niachaj idzie kapitał!». Kali jon pačaŭ pradavać, jany kryčać: «Dyktatar, nie pradavaj našyja zavody!»
Tamu my ŭ svaich acenkach inicyjatyvaŭ ułady pavinny sychodzić ź intaresaŭ Biełarusi, a nie pijaru i ŭłasnych, karotkaterminovych intaresaŭ. Kali Łukašenka havoryć, što nie addaść biudžetnaŭtvaralnych pradpryjemstvaŭ Biełarusi, bo heta ekanamičnajia niezaležnaść, a na joj trymajecca niezaležnaść i palityčnaja, ja jaho padtrymoŭvaju. I kali jon havoryć ab tym, što nam nia vyžyć biez AES, ja ź im taksama zhodny. I heta daŭno dakazana navukoŭcami.
Kolki b my ni raspracoŭvali alternatyŭnyja vidy elektryčnaści, my imi nie pakryjem usich patrebaŭ Biełarusi.
Adzin z asnoŭnych lozunhaŭ praciŭnikaŭ pabudovy AES – maŭlaŭ, vybuchnie, i ŭsim hamon. Adnak hety arhument byŭ by słušny tolki ŭ tym vypadku, kab my žyli na vyśpie. Adnak Biełaruś atačajuć krainy, jakija majuć i budujuć AES. U Rasiei dyk uvohule ŭ stratehičnym planie raźvićcia krainy – pabudova adnaho reaktaru štohod! I heta Rasieja, ź jaje zapasami nafty, hazu i inšych vykapniaŭ!
Adzinaje, što napružvaje mianie, heta ŭdzieł u pabudovie AES Rasiei. Kab toje nia stałasia jašče bolšaju zaležnaściu, ad jakoje my tak chočam adarvacca. Adnak heta pytańnie ŭžo nie da taho «ci budavać?», a taho, «jak budavać?»