U Rasii ŭdakładnili źviestki pra avaryju pad Kałuhaj: zahinuli piać biełarusaŭ
Piać hramadzian Biełarusi zahinuli i jašče piaciora paciarpieli padčas sutyknieńni mikraaŭtobusa i hruzavika ŭ Kałužskaj vobłaści, paviedamiŭ ria.ru pradstaŭnik ekstranych słužbaŭ rehijonu.
Raniej paviedamlałasia pra čatyroch zahinułych.
Pavodle papiarednich źviestak MUS RF, 10 kastryčnika na 202-m kiłamietry aŭtadarohi M-3 «Ukraina» u Babyninskim rajonie mikraaŭtobus Mercedes Sprinter padčas razvarotu sutyknuŭsia z furaj, jakaja jechała ŭ tym ža napramku, i źjechaŭ u kiuviet.
«Paciarpieli dziesiać čałaviek - hramadzianie Respubliki Biełaruś, piać ź ich zahinuli», - skazaŭ surazmoŭca ahienctva.
Pavodle jaho słoŭ, troje paciarpiełych špitalizavanyja ŭ balnicy Kałužskaj vobłaści, jašče dvum miedycynskaja dapamoha była akazanaja ambułatorna.