Ad imia «Biełpošty» rassyłajuć škodnyja virusy: nie adkryvajcie listy z damiennym imiem belpost.com
Złamyśniki ad imia nacyjanalnaha apieratara paštovaj suviazi RUP «Biełpošta» rassyłajuć na elektronnuju poštu paviedamleńni z škodnasnym prahramnym zabieśpiačeńniem, pieradaje pres-słužba pradpryjemstva.
Na siońniašni dzień zafiksavanyja vypadki spam-rassyłak, jakija raspaŭsiudžvajucca pry dapamozie elektronnaj pošty ŭ sietki internet. Listy ŭtrymlivajuć škodnasnaje prahramnaje zabieśpiačeńnie i adpraŭlajucca niby ad imia RUP «Biełpošta».
«U suviazi z hetym paviedamlajem, — aścierahajuć na «Biełpošcie», — što adpraŭka spam-paviedamleńniaŭ ažyćciaŭlajecca z adrasoŭ elektronnaj pošty, jakija nie majuć da RUP «Biełpošta» nijakaha dačynieńnia. Kab paźbiehnuć zaražeńnia svaich kampjutaraŭ zaklikajem klijentaŭ nie adkryvać listy z sumniŭnym źmiestam ad nieviadomych adrasataŭ».
Źviartajcie ŭvahu na damiennaje imia, ź jakoha prychodziać listy: u nacyjanalnaha apieratara paštovaj suviazi RUP «Biełpošta» zarehistravana damiennaje imia belpost.by.