Ukraina vyzvaliła biełaruskaha «špijona» Juryja Palityku za dzień da sustrečy Łukašenki i Zialenskaha
Novazavodzki rajonny sud Čarnihava vyzvaliŭ z-pad varty hramadzianina Biełarusi Juryja Palityku, abvinavačanaha va Ŭkrainie ŭ zbory sakretnaj infarmacyi na karyść «niavyznačanaha dziaržaŭnaha orhana Biełarusi», paviedamlaje Radyjo Svaboda.
Jak paviedamiŭ Svabodzie jahony advakat Taras Haraluk, adpaviednaje rašeńnie ŭchvalena siońnia na pasiałdžeńni pa vynikach razhladu jahonaha chadajnictva.
Sioleta ŭ žniŭni sud užo uchvaliŭ rašeńnie ab mahčymaści vyzvaleńnia Juryja Palityki pad peŭnyja abmiežavańni pry ŭmovie spłaty zakładu ŭ pamiery 576,3 tysiač hryŭniaŭ (pryblizna 23 tysiačy dalaraŭ)
«Zakład nichto nia spłačvaŭ. Sud źmianiŭ mieru papiaredniaha ŭtrymańnia ŭ dačynieńni da jaho. Ja padavaŭ adpaviednaje chadajnictva. Jon vyzvaleny pad asabistyja abaviazacielstvy», — paviedamiŭ Taras Haraluk.
Pavodle jaho, sudovy praces pa razhladu jahonaj spravy budzie praciahvacca, i Jury Palityka musić źjaŭlacca na pasiedžańni pa vykliku suda i nie ŭpłyvać na śviedkaŭ.
Na pytańnie, u jakoj krainie hramadzianin Biełarusi musić znachodzicca, Taras Haraluk adkazaŭ: «Jon moža žyć, dzie choča, z pravam vyjezdu, kudy choča».
Historyja špijonskaha skandału
- Hramadzianin Biełarusi Jury Palityka byŭ zatrymany ŭ červieni 2017 hodu na ŭkrainskim pamiežnym pierachodzie «Novyja Jaryłavičy», što na miažy ź Biełaruśsiu. Padčas zatrymańnia ŭ jahonym telefonie znajšli zašyfravany fajł z mapaj raźmiaščeńnia vajskovych padraździaleńniaŭ u zonie antyterarystyčnaj aperacyi na Danbasie i planam nastupalnaj aperacyi «Štorm».
- Paŭhoda da zatrymańnia specsłužby Ŭkrainy sačyli za ŭsimi kantaktami i pieramiaščeńniami Juryja Palityki ŭ Čarnihavie. Sud pačaŭ razhladać jahonuju spravu pa sutnaści tolki sioleta ŭ krasaviku.
- Ukrainski žurnalist Paŭło Šarojka byŭ zatrymany ŭ Miensku praź niekalki miesiacaŭ paśla zatrymańnia Juryja Palityki va Ŭkrainie, 25 kastryčnika 2017 hodu. Jaho abvinavacili ŭ stvareńni ŭ Biełarusi špijonskaj sietki ź liku hramadzian krainy, «jakija za hrašovaje ŭznaharodžańnie vykonvali jahonyja zadańni pa źbirańni źviestak vyviednaha charaktaru ŭ vajskova-palityčnaj sfery».
- 23 traŭnia 2018 hodu Viarchoŭny sud Biełarusi prysudziŭ ukrainskamu žurnalistu Paŭłu Šarojku 8 hadoŭ pazbaŭleńnia voli. Ciapier jon adbyvaje pakarańnie ŭ babrujskaj kalonii № 2, a Kamisija pamiłavańnia pry prezydencie Biełarusi vyvučaje jahonyja dakumenty ab pamiłavańni.
Uvieś hety čas pravaachoŭnyja orhany Biełarusi i Ŭkrainy nie vyklučali mahčymaha abmienu Juryja Palityka i Paŭła Šarojki. U žniŭni 2018 hodu hrupa biełaruskich prakuroraŭ pryjaždžała ŭ Kijeŭ na sustreču z kalehami, kab abmierkavać hetaje pytańnie. Ale baki nie zmahli damovicca, bo Biełaruś nastojvaje na tym, što Jury Palityka nia maje i nikoli nia mieŭ nijakaha dačynieńnia da dziejnaści specsłužbaŭ.
Na sustrečy z ukrainskimi žurnalistami 26 vieraśnia Alaksandar Łukašenka zajaviŭ, što ŭ najbližejšy čas hatovy razhledzieć pamiłavańnie asudžanaha ŭ Biełarusi za špijanaž ukrainca Paŭła Šarojki, a taksama biełarusa Juryja Palityki, abvinavačanaha ŭ špijanažy va Ŭkrainie. Damoŭlenaści pra heta, śćviardžaje jon, byli z papiarednim prezydentam Ukrainy Piatrom Parašenkam, ale svaje abaviazki nia vykanaŭ ukrainski bok.
Ci budzie abmien, ci niejki inšy mechanizm rašeńnia «špijonskaha» pytańnia, Łukašenka nie ŭdakładniŭ.
Padčas sustrečy Alaksandra Łukašenki z Uładzimiram Zialenskim u Žytomiry stała viadoma: