Pucin kaža, što Zialenski moža stać «mužnym» i «sumlennym» palitykam
Prezident Rasii Uładzimir Pucin ličyć, što prezident Ukrainy Uładzimir Zialenski ščyra imkniecca skončyć vajnu na Danbasie.
«Ja nie viedaju na kolki mocnyja tyja, chto suprać urehulavańnia (situacyi na Danbasie — Red.). Asabliva na asnovie minskich damoŭlenaściej. Zapyt hramadstva na ŭrehulavańnie vidavočny. Pierš za ŭsio, na asnovie hetaha zapytu spadar Zialenski tak pierakanaŭča vyjhraŭ vybary», — skazaŭ prezident Rasii.
«Ludzi čakajuć vyrašeńnia hetaha pytańnia va Ukrainie. I kali ŭ jaho chopić palityčnaj mužnaści i siły davieści heta da kanca, ja dumaju, što jon umacujecca jak sumlenny palityk i mužny, zdolny damahacca pryniatych rašeńniaŭ. Ja dumaju, što jon ščyra choča heta zrabić. Heta jaho ščyraje imknieńnie», — adznačyŭ Pucin.