MZS Rasii paabiacała nie pakidać biez adkazu sankcyi suprać «kuchara Pucina»
Ministerstva zamiežnych spraŭ Rasii vykazała «krajniaje ździŭleńnie» nakont novych amierykanskich sankcyj suprać rasijskaha biznesmiena Jaŭhiena Pryhožyna i paabiacała nie pakidać ich biez adkazu, havorycca ŭ paviedamleńni.
U źniešniepalityčnym viedamstvie Rasii padkreślili, što jany nie razumiejuć, jakoje dačynieńnie samaloty i ciepłachody majuć da ŭmiašańnia ŭ vybary ZŠA.
U MZS Rasii dadali, što «antyrasijski vypad nie zastaniecca biez adkazu».
30 vieraśnia ZŠA ŭviali sankcyi suprać dvuch rasijan i troch kampanij, jakija byli źviazany z «fabrykaj trolaŭ», jakaja abvinavačvajecca ŭ sprobie ŭmiašańnia ŭ prezidenckija vybary ŭ ZŠA.
Pad sankcyi taksama patrapili jachta i try samaloty Jaŭhiena Pryhožyna, jakoha časta nazyvajuć «kucharam Pucina».