Pavieł Biełavus vybačyŭsia pierad žury dziciačaha «Jeŭrabačańnia»: infarmacyja pra nizki bał ad Maksa Alejnikava akazałasia fejkam
Pra heta na svajoj staroncy ŭ fejsbuku paviedamiŭ sam Biełavus paśla sustrečy z pradziusaram Maksam Alejnikavym, jaki źbiraŭsia navat padać u sud na aktyvista, ale kanflikt udałosia ŭrehulavać u dasudovym paradku.
Pradziusar paćvierdziŭ, što pastaviŭ vykanaŭcy pieśni na biełaruskaj movie Maryi Jermakovaj 7 bałaŭ, jaho adznaka nie paŭpłyvała na toje, što dziaŭčynka nie pieramahła ŭ adbory.
Raniej siarod tych, chto zaniziŭ bały mienavita Maryi Jermakovaj, pamyłkova nazyvalisia pradziusar Maks Alejnikaŭ i viadoŭca Jaŭhien Pierlin. BT daviałosia abnarodavać tablicu z hałasavańniem siabroŭ žury, akazałasia, što samuju nizkuju acenku pastaviŭ tolki adzin z udzielnikaŭ žury.