KDB Biełarusi stvaraje Knihu pamiaci zahinułych supracoŭnikaŭ
Kamitet dziaržaŭnaj biaśpieki Biełarusi stvaraje Knihu pamiaci zahinułych supracoŭnikaŭ.
Pra heta BiełaPAN paviedamiŭ načalnik Centra infarmacyi i hramadskich suviaziej KDB Valeryj Nadtačajeŭ.
U suviazi z hetym KDB źviartajecca da byłych bajcoŭ i suviaznych partyzanskich atradaŭ i opierhrup orhanaŭ dziaržaŭnaj biaśpieki, što dziejničali na akupavanaj terytoryi BSSR u hady Vialikaj Ajčynnaj vajny, z prośbaj paviedamić infarmacyju pra siabie (proźvišča (u tym liku dziavočaje dla žančyn), imia, imia pa baćku, u jakim atradzie (hrupie) dziejničali, kantaktnyja źviestki). Zrabić heta možna pa elektronnaj pošcie info@kgb.gov.by, pa adrasie 220623, h.Minsk, pr‑t Niezaležnaści, 17, Centralny archiŭ KDB, pa telefonie 8‑017‑2199889.
Vyšuk byłych supracoŭnikaŭ śpiecsłužbaŭ, pavodle słoŭ V.Nadtačajeva, nieabchodny tamu, što ŭ ciapierašnich vydańniach jość niedakładnaści i vykładzienaja ŭ ich infarmacyja — niapoŭnaja.