Bolš za 400 minskich školnikaŭ pryniali ŭ akciabraty i pijaniery
Uračystaje mierapryjemstva «Sučasnaść i budučynia našaj krainy», pryśviečanaje pryjomu navučencaŭ u akciabraty i pijaniery, prajšło 24 vieraśnia ŭ himnazii № 16, pieradaje «Minsk-Naviny».
Bolš za 400 chłopčykaŭ i dziaŭčynak z druhich i piatych kłasaŭ raźmiaścilisia na stadyjonie ŭ himnazii, kab stać akciabratami i pijanierami. Druhakłaśnikam uručyli akciabrackija znački, a piacikłaśnikam paviazali pijanierskija halštuki.
— Ad usioj dušy vinšuju vas ź dziŭnaj padziejaj. Upeŭnienaja, vy nazaŭždy zapomnicie hety dzień. Mnie b chaciełasia, kab vy vyraśli sapraŭdnymi patryjotami i hramadzianami svajoj krainy, — źviarnułasia da himnazistaŭ dyrektarka.