Adzin ź siabroŭ žury pastaviŭ biełaruskamoŭnuju pieśniu «Viatry» na apošniaje miesca, ale BT admoviłasia nazyvać jaho imia
Hledačy adboru na dziciačaje «Jeŭrabačańnie» prahałasavali za biełaruskamoŭnuju pieśniu «Viatry», jakuju vykonvała Maryja Jermakova.
Dziaŭčynka i pajechała b na mižnarodny konkurs, kali b nie siabry žury.
Jak vyjaviłasia, adzin ź ich pastaviŭ Maryju Jermakovu na apošniaje miesca.
Pra heta napisaŭ u fejsbuku baćka dziaŭčynki, Dzianis Jermakoŭ, jaki patrabavaŭ ad BT rasśledavańnia situacyi.
«U nas adbyłasia sustreča z kiraŭnikom i pradstaŭnikami Biełteleradyjokampanii. Pratakoły raskrytyja nie byli, tolki našy acenki, bieź imionaŭ členaŭ žury. 1 bał ŭsio ž taki jość. Ad adnaho čałavieka. Cytata «Kryteryi acenki — bačańnie členaŭ žury. Kryteryi — u kožnaha svaje. Jany majuć prava tak bačyć…»