U Kalinkavičach u kramie pracavali supracoŭniki z salmanielozam. Praz pradukty zarazilisia pakupniki
U Kalinkavičach u kramie rabotniki z salmanielozam rabili sałaty na prodaž i zarazili pakupnikoŭ, paviedamlaje «Homielskaja praŭda».
9 vieraśnia z prykmietami vostraj kišačnaj infiekcyi špitalizavali baćku i syna. Jany raspaviali, što napiaredadni jeli sałatu i kurycu-hryl, nabytyja ŭ adnoj z kramaŭ bujnoj handlovaj sietki.
Sanepidsłužba pravieryła kramu — i akazałasia, što tam jość jak parušeńni ŭ technałohii pryhatavańnia sałataŭ i ŭborcy, dyk jašče i siarod piersanału jość chvoryja na salmanieloz, a taksama nośbity hetaha zachvorvańnia.
Praca cecha pa vytvorčaści paŭfabrykataŭ prypynienaja. Administracyja kramy pryciahnutaja da administracyjnaj adkaznaści.