Brytaniec, jaki atruciŭsia «Navičkom», vyrašyŭ adsudzić u Rasii miljon funtaŭ
Brytaniec Čarli Roŭli, jaki byŭ atručany niervova-paralityčnym rečyvam Navičok, płanuje padać u sud na Rasiju i zapatrabavać kampiensacyju ŭ pamiery miljon funtaŭ, piša The Mirror.
«Heta atručeńnie vielmi mocna paŭpłyvała na majo žyćcio. Ja chaču spraviadlivaści», — zajaviŭ Roŭli.
30 červienia 2018 hoda z doma ŭ Ejmśbiery špitalizavali paru — 45-hadovaha Čarli Roŭli i 44-hadovuju Don Sterdžes. Paźniej žančyna pamierła ŭ balnicy. Mužčyna ačuniaŭ.
Brytanskija ŭłady publična abviaścili, što para stała achviaraj Navička.
Ejmśbiery znachodzicca za 15 kiłamietraŭ ad Sołśbiery.