U Saudaŭskaj Aravii pamior zrynuty prezident Tunisa
Były prezident Tunisa Zin al-Abidzin Ben Ali, jakoha zrynuli padčas «arabskaj viasny», pamior u Saudaŭskaj Aravii.
Zin al-Abidzin Ben Ali byŭ prezidentam Tunisa z 1987 pa 2011 hod. U kancy 2010 hoda pa krainie prakaciłasia chvala pratestaŭ. Ben Ali źbieh z Tunisa ŭ Saudaŭskuju Araviju 14 studzienia 2011 hoda.
Jaho ŭcioki pryviali da šeraha paŭstańniaŭ pa ŭsim rehijonie i źviaržeńnia miascovych dyktataraŭ.
U 2012 hodzie sud u Tunisie zavočna prysudziŭ Ben Ali da pažyćciovaha pazbaŭleńnia voli za zabojstvy demanstrantaŭ padčas paŭstańnia ŭ 2011 hodzie.